Los cursos de branu de l’Academia son un espaciu d’enseñu llingüísticu y cultural intensivu. Nél, l’ALLA —en collaboración cola Universidá d’Uviéu y el Principáu— ufierta dellos cursos, xebraos en dos categoríes:
- Formación Llingüística Xeneral: cursu intensivu d’asturianu (B2).
- Cursos d’Afondamientu Cultural y Llingüísticu, d’una selmana de duración, dedicaos a materies perestremaes: mediu natural, patrimoniu, música, deporte, traducción…
Los planes propuestos tán pendientes de la tramitación ordinaria na Conseyería d’Educación y na Universidá d’Uviéu. Ta previsto que’l procesu de prematrícula y matrícula emprime’l 9 de xunu de 2025.
El presidente de l’Academia, Xosé Antón González Riaño, y la directora y el secretariu de la Universidá Asturiana de Branu (UABRA), Cristina Valdés ya Inaciu Galán, van ser los encargaos de dar la bienllegada a la presente edición del programa formativu estival que la institución llingüística entama cola collaboración del Vicerrectoráu d’Estensión Universitaria y Proyección Cultural.
El saludu, dirixíu al profesoráu y al alumnáu de los cursos, va tener llugar na Sala de Xuntes del Departamentu de Filoloxía Española, nel Campus d’El Milán, a les 9 de la mañana del llunes 21 de xunetu.
Dende entós y hasta’l vienres 25, les instalaciones universitaries de Santuyano van acoyer el Cursu intensivu d’asturianu (B2) y el cursu El teatru asturianu. Del testu a la escena. Claudia Elena Menéndez, secretaria de la institución y profesora de la Universidá d’Uviéu, ye la direutora del primeru, mentes que Darío de Dios, profesor de la Universidá d’Uviéu, ye’l director del segundu.
Dambos tienen una duración de 25 hores y cubrieron dafechu les places ufiertaes. Amás, a lo llargo la selmana, l’alumnáu va poder afondar na so formación con delles actividaes complementaries, ente les que destaquen una mesa redonda sobre la traducción audiovisual, una charra alredor del procesu de recuperación de la toponimia asturiana o delles visites guiaes.
La cita faise per primer vegada n’Uviéu y escosó toles places. Como cada branu, entama una nueva edición del cursu intensivu d’asturianu. Una cita yá tradicional que cumple 40 años. Anguaño, amás, con novedaes: celébrase per primer vegada n’Uviéu y escosó toles sos places.
El cursu ta pensáu pa quien yá tengan una base y quieran meyorar la so comunicación nel idioma.
Una formación qu’anguaño amplíase con un cursu de teatru n’asturianu, actividaes y visites guiaes, meses redondes y charres divulgatives.
Ye la primer vegada qu’Uviéu acueye estos cursos, qu’espertaron un gran interés: toles places escosáronse.
