Vamos amanecer con cielos nublos y nun se refuguen dellos orbayos pocu importantes especialmente escontra al oriente. A lo llargo del día dirán abriéndose grandes claros. Van empezar pol occidente y depués tamién pola mariña, quedando entá nubes escontra’l sur y escontra l’oriente de la rexón. Los vientos van ser fluexos predominando de noroeste-norte. Les temperatures máximes van caltener ensin cambeos salvu nel cordal y nel interior oriental onde, llixeramente, van baxar. Les mínimes nun van variar.
El martes preven cielos pocu nublos o estenos mientres gran parte del día. Los vientos van ser fluexos predominando de nordeste y con posibilidá de dalguna racha moderada na mariña. Les temperatures máximes van xubir de forma significativa nel terciu sur, y de forma llixera nel restu del interior. Les mínimes, sicasí, van baxar, y dichu descensu va ser más importante nel interior oriental.
Tantu’l miércoles como’l xueves van ser dos díes calorosos n’Asturies cuidao que se preve un ascensu de les temperatures tantu nun día como nel otru. Amás, va predominar los cielos soleyeros anque, nel casu del xueves, van poder aumentar les nubes medies y altes pela tarde dende’l cordal.
El vienres van baxar les temperatures.
