L’embolsamiento d’aire frío n’altor que nos visitó’l miércoles yá s’alloñó y da pasu a la entrada d’altes presiones que van dexar un panorama totalmente estable na nuesa rexón mientres los próximos díes. El xueves prevense a lo sumo dellos intervalos nublos que van tender a sumir pela tarde salvu nel cordal onde entá podríen siguir presentes. Los vientos van ser fluexos polo xeneral pudiendo predominar de norte pela tarde. Les temperatures máximes van xubir nel suroeste y nel cordal, ente que se van caltener nel restu. Les mínimes van baxar llixeramente sobremanera nel interior oriental.
El vienres va ser un día soleyeru polo xeneral. Sía que non, nun se refuga delles nubes de tipu baxu na mariña mientres les primeres hores pero van tender a estenase col intre de la mañana. Los vientos van ser fluexos. Les temperatures máximes van xubir de forma xeneralizada anque va ser más significativu esti ascensu nel interior. Les mínimes apenes van esperimentar cambeos respecto al xueves. El bon tiempu va siguir tantu’l sábadu como’l domingu con unes temperatures nuevamente a l’alza. Tou apunta a que siquier los primeros díes de la próxima selmana tamién tengamos unes condiciones meteorolóxiques estables nel Principáu.
