- National Geographic /
Richard James | semeya / National Geographic Travel Photographer of the Year
El fotógrafu Richard James atopose con esta familia d’osos grizzly mientres baxaba per un remotu ríu del santuariu nacional de Katmai, n’Alaska. Denominaos científicamente como Ursus arctos horribilis, ye una subespecie norteamericana del osu pardu.
Estos animales tán protexíos por llei nel territoriu continental d’Estaos Xuníos, yá que ente 1920 y 1930, estos osos habíen quedáu amenorgaos a menos del 2% de la so área de distribución. A pesar de tolos esfuerzos que se ta faciendo pa recuperar les sos poblaciones, nos últimos años hubo dellos intentos polémicos d’esaniciar esa protección.
Son conocíos por ser grandes depredadores y ocupen los primeros puestos de la cadena alimentaria. Sicasí, la mayor parte de la so dieta consiste en frutos secos, bayes, frutes, fueyes y raigaños.
