Esperamos nubes baxes na metá norte mientres les primeres hores de la mañana, ente que nel restu van tar los cielos soleyeros. Conforme meyora la mañana, les nubes baxes dirán estenándose anque na mariña costará-y daqué más de tiempu abrir. Les temperatures máximes van xubir hasta 3 ºC nel cordal, hasta 2 ºC nel restu del interior y, de forma más llixera va facer na mariña, pudiendo haber zones costeres nes qu’apenes va haber cambeos coles máximes anotaes el vienres. Les mínimes van xubir de forma xeneralizada en tol Principáu ente 2 y 3 ºC. Los vientos van ser fluexos pudiendo predominar de nordeste-esti na mariña, con dalguna racha moderada ensin importancia pela tarde.
El domingu volveremos tener nubes baxes nel norte d’Asturies, con enclín a abrir grandes claros polo xeneral, anque nuevamente na mariña va ser el sector onde más tiempu puedan permanecer la nubosidad. Les temperatures máximes van xubir hasta 4 o 5 ºC más, polo que va ser un día con unos rexistros térmicos bien percima de lo normal. Ello ye que l’Axencia Estatal de Meteoroloxía tien previstu activar nel suroccidente l’avisu mariellu por calor ente les 13:00 y les 21:00 hores.
El llunes tamién va ser un día con temperatures bien altes. El martes van empezar a baxar.
