Los cielos van tar marcaos pola nubosidá en tol Principáu d’Asturies dende primer hasta última hora. Estes nubes van dexar precipitaciones débiles pero xeneralizaes que van ser más frecuentes pela mañana y primeres hores de la tarde. Asina tou, escontra’l sur de la rexón ye probable que sigan siendo persistentes tamién a lo llargo de la tarde. Los vientos van soplar de componente norte con delles raches moderaes especialmente na mariña. Les temperatures máximes van baxar hasta 5 ºC na metá sur, y hasta 4 ºC nel norte, salvo na mariña onde van baxar hasta 3 ºC respectu al domingu. Les mínimes van baxar llixeramente nel interior y van caltenese ensin cambeos na mariña.
El martes anque vamos amanecer con cierta nubosidá, van abrise grandes claros rápido polo que’l día va ser asoleyáu mientres bona parte de la xornada. Les temperatures máximes, amás, van empezar a recuperase, a pesar de que les mínimes baxen.
A partir del miércoles yá podemos tar falando nuevamente de calor pudiendo haber díes, bien probablemente’l xueves, que puedan algamase los 30 ºC na rexón.
