Vamos amanecer con delles nubes baxes pero, rápido, van sumir y van dar pasu a un predominiu de nubes de tipu altu insignificantes que nun van dexar precipitaciones. Ello ye que por momentos, prevense escamplaes nel cielu. Los vientos van soplar de componente oeste con posibles raches moderaes especialmente na mariña. Nel interior, sicasí, prevense fluexos en llínees xenerales. Les temperatures máximes van xubir hasta 4 o 5 ºC respectu al vienres. El suroccidente va ser l’únicu sector que, a priori, nun va esperimentar cambeos térmicos. Tocantes a les mínimes, van xubir llixeramente nel cordal, van baxar escontra l’oeste y van caltenese ensin cambeos nel restu del Principáu.
Na madrugada del domingu esperamos la entrada d’un frente fríu non bien activu, pero lo suficiente como para dexar abondosa nubosidá y delles precipitaciones débiles n’Asturies, non solo de madrugada sinón, posiblemente, tamién mientres les primeres hores de la mañana del domingu. Conforme meyora la xornada dominical ye probable que la inestabilidá tienda a unviar y, inclusive, ábranse delles escamplaes nel cielu. Eso sí, les temperatures van ser más baxes en tola Comunidá Autónoma.
