Xixón encabeza les asistencies, que medren en branu pol turismu. Xixón ye’l conceyu con más asistencies médiques urxentes. Caldía atienden ente cinco y diez. Un serviciu, el del SAMU, que medra más entá la so demanda en branu. En toa Asturies hai 216 profesionales y nueve bases d’UVI móvil. TPA
TPA Noticies acompañó a los profesionales que s’encarguen d’esta atención a la ciudadanía qu’acaba de cumplir 25 años n’Asturies. La mañana arranca comprobando y revisando l’ambulancia, una auténtica sala de paraes que replica les de los hospitales p’atender a críticos de forma móvil. Too tien que tar preparao y llisto pa cualquier emerxencia. En toa Asturies el SAMU atiende unes 1.000 llamaes caldía. Xixón encabeza les asistencies. Amás en branu medren pol turismu. Cada llamada tresfórmase n’esperanza y oportunidá. Una profesión vocacional acostumada al impactu de casos graves.
