L’Executivu impulsa’l proyectu ‘Bicicolef’, una iniciativa por que 2.000 escolares usen la bicicleta como’l so primer vehículu. La midida, financiada pola Dirección d’Axenda 2030, busca fomentar una movilidá saludable, segura y sostenible ente los mozos. El director xeneral Juan Ponte destaca esta actividá como un pasu escontra’l llogru de ciudaes más humanes ya inclusives. Axenda 2030
Na imaxe, d’esquierda a derecha, el presidente del Colexu Oficial de Llicenciaos n’Educación Física y en Ciencies de l’Actividá Física y del Deporte d’Asturies (Colef-Asturies), Hugo Raúl Castellanos; el director xeneral d’Axenda 2030, Juan Ponte y el vocal de Colef, Francisco Flórez de la Sierra.
- Fonte: Actualidá Asturies /
L’Executivu impulsa’l proyectu ‘Bicicolef’, una iniciativa por que 2.000 escolares usen la bicicleta como’l so primer vehículu. La midida, financiada pola Dirección d’Axenda 2030, busca fomentar una movilidá saludable, segura y sostenible ente los mozos. El director xeneral Juan Ponte destaca esta actividá como un pasu escontra’l llogru de ciudaes más humanes ya inclusives.
El Gobiernu d’Asturies impulsó’l proyectu Bicicolef empobináu a que siquier 2.000 escolares usen la bicicleta, non yá como un deporte sinón tamién como’l so primer vehículu. La Dirección d’Axenda 2030 financia esta midida con 20.000 euros, na que collaboren la Dirección Xeneral de Deportes y el Colexu Oficial de Llicenciaos n’Educación Física y Ciencies de l’Actividá Física y el Deporte (Colef Asturies).
El director xeneral d’Axenda 2030, Juan Ponte, destacó la importancia d’esta iniciativa pola so contribución p’algamar unu de los Oxetivos de Desenvolvimientu Sostenible (ODS 11) centráu en llograr que les ciudaes y los asentamientos humanos sían inclusivos, seguros, resilientes y sostenibles. Algamalo «pasa por modificar sustancialmente el modelu de movilidá y la configuración de los espacios de vida actual», aseguró.
Ponte presentó güei, xuntu col presidente de Colef-Asturies, Hugo Raúl Castellanos, y el vocal de la entidá, Francisco Flórez, y la directora xeneral d’Actividá Física, Manuela Ena, les actividaes que va desenvolver el colexu col sofitu del Principáu, pa promover los oxetivos de l’Axenda 2030.
Frente al usu masivu de los automóviles, Ponte defendió la necesidá de poner a les persones nel centru, con medios de tresportes saludables, eficientes y respetuosos col mediu ambiente, polo que l’usu de la bicicleta ye una alternativa ideal en desplazamientos curtios, tanto a los centros de trabayu como, nesti casu, a los centros educativos. «Búscase que nestos trayectos xenérese menos consumu enerxéticu, qu’haya menos contaminación, menos accidentes, menos estrés y menos gastos, y pallo ta precisamente la necesidá de fomentar l’usu de la bicicleta», esplicó. “Nun se trata d’esaniciar los coches, sinón d’ameyorar sustancialmente y significativamente l’usu de la bicicleta na repartida modal», matizó.
Manuela Ena señaló, pela so parte, la importancia de l’actividá deportiva más allá de les competiciones pa entendela como «una ferramienta tresversal a munches árees de la vida», afirmó. “La bicicleta ye un mediu que collabora pa llograr unos vezos saludables, daqué especialmente importante na infancia y na adolescencia, añedió.
Castellanos sorrayó la importancia de la educación y l’actividá físiques, que son «clave» pa tresformar la sociedá: «Hai un compromisu social pela nuesa parte que contribúi a los retos marcaos pola Axenda 2030”.
Los oxetivos de Bicicolef, que busca tamién animar al alumnáu que nun sabe andar en bicicleta a aprovechar esti proyectu p’aprender, son llograr una educación calidable inclusiva y equitativa amás de promover vezos saludables. Pa ello, creóse un bancu de materiales con bicicletes, cascos y, nun futuru, patinos, y va ufiertase formación y recursos didácticos pal profesoráu d’Educación Física.
