La institución va recibilos el vienres 3 de mayu, nel actu pol XLV Día de les Lletres Asturianes, nel uvieín Teatru Campoamor.
La xunta estraordinaria de l’Academia de la Llingua Asturiana (ALLA) propunxo, esti llunes día 8, la entrada de tres nuevos académicos. Son, como miembros de númberu, Claudia Elena Menéndez Fernández y Pablo Rodríguez Medina; y, como miembru d’honor, la romanista suiza Éva Buchi.
Como marca los estatutos académicos, les trés persones propuestes habrán aceutar la so nueva condición académica y, como ye vezu y obligación, recoyela públicamente dientro de la sesión estraordinaria enmarcada nel XLV Día de les Lletres Asturianes. Ésta va principiar a les 19 hores del 3 de mayu nel Campoamor, con accesu llibre pal públicu.
