La Comisión Europea crea la I Edición del Día de los Autores Europeos y propón qu’esti día celébrese d’equí p’arriba el 27 de marzu. Los oxetivos d’esta iniciativa centrense en reconectar a les xeneraciones más nueves cola llectura de llibros, favorecer el descubrimientu de la diversidá de la lliteratura europea y amosar que la lliteratura puede ser una ferramienta para l’empoderamientu individual.
- Día de los Autores Europeos (Comisión Europea)
La Comisión convida a les escueles d’educación secundaria de los Estaos Miembros a entamar trés actividaes paraleles de llectura, tamién al traviés de y-twinning:
- Sesiones de llectura nes escueles
- Organización de sesiones de llectura en voz alta al traviés de la comunidá eTwinning y otres canales.
Para participar el centru puede ponese en contactu cola organización antes del 20 de febreru al traviés de EAC-DAY-OF-THE-EUROPEAN-@Authors@ec.europa.eu. Tamién puede compartir la so esperiencia una vegada realizada al traviés del mesmu corréu.
- Tour d’autores europeos
La Comisión entama un percorríu con autores europeos que van visitar escueles, biblioteques y llibreríes, van lleer una pieza de les sos obres y van animar al alumnáu a afayar a otros autores europeos.
Conferencia europea sobre la promoción de la llectura
La conferencia tien llugar en Sofía (Bulgaria) con representantes de los ministerios d’educación y cultura de los Estaos miembros, responsables de les polítiques de llectura, y representantes de los sectores del llibru y les organizaciones de promoción de la llectura.