Publicado en Día de..., RTPA

Gonzalo García foi unu de los fundadores del Descensu de Galiana

Los grandes artiluxos ​nun perdieron la esencia d’aquel primer descensu

Foi una nueche d’Antroxu de 1987 cuando Gonzalo García, ‘El del Trasgu’, y unos collacios decidieron garrar una piragua, unos remos, y entamar a baxar pela cai de Galiana énte la sorpresa de la xente. Taben creando ensin sabelo lo que se convertiría nel buque insignia del Antroxu avilesín, el Descensu de Galiana.

Foi asina, vistíos de vikingos, como repitieron l’azaña al añu siguiente. Entamó a involucrase tola ciudá. Apaeció la espluma y cada vegada más participantes, llegó un momentu qu’había tantos participantes que’l descensu llegaba hasta la madrugada.

Dempués de 34 años, Gonzalo emociónase al recordar como evolucionó esta fiesta gracies a los avilesinos. Pasóse d’usar los coches de desguace y de valer cuasi cualquier cosa pa baxar Galiana, hasta crear na última década auténtiques obres d’arte.

Enagora úsense artiluxos de grandes dimensiones que, a pesar de la espectacularidá, nun perdieron la esencia inicial d’aquel primer descensu; aquella baxada en piragua de Gonzalo y los sos collacios.

 

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *