Entra na nuesa web 💻📱 para realizar un curtiu percorríu virtual polos Monumentos.
N’Asturies caltien el más completu y homoxéneu conxuntu d’arquitectura altomedieval de too l’Occidente Européu. Esti arte constitúi’l testimoniu más importante de los raigaños históricos y de les tradiciones culturales orixinaries del Reinu d’Asturies. D’esti legáu, caltiénense dolce templos y trés construcciones civiles.
N’Asturies caltien el más completu y homoxéneu conxuntu d’arquitectura altomedieval de too l’Occidente Européu. Fecháu a lo llargo del sieglu IX y primeros del añu del X, nun tien oldéu pola so calidá y magníficu caltenimientu. El valor de l’arquitectura sumise a la so estraordinaria orfebrería, y xuntos desenvuelven una fuerza comparable a la d’otres renacencies europees coetaneos, pudiendo oldease al nivel alcanzáu poles cortes carolinxa o bizantina.
Esti arte constitúi’l testimoniu más importante de los raigaños históricos y de les tradiciones culturales orixinaries del Reinu d’Asturies. D’esti legáu, caltiénense dolce templos y trés construcciones civiles.
Ente los primeres cúntense Santuyano (791-842), San Miguel de Lliño (844-850), San Pedru Nora (sieglu IX), Santa María de Bendones (sieglu IX), Santa Cristina de L.lena (escontra 848), Santo Adriano de Tuñón (consagrada en 891), San Salvador de Valdediós (consagrada en 893), San Salvador de Priesca (consagrada en 921), Santiago de Gobiendes (segunda metá del s. IX), Santa María d’Arbazal (sieglos VIII-X), San Andrés de Bedriñana (sieglu IX) y la Cámara Santa de San Salvador d’Uviéu (escontra 884).
Ente les construcciones civiles atópense Santa María de Naranco (altar dedicáu en 848), la denominada Torre Vieya de San Salvador d’Uviéu/Uviéu (probablemente coetanea a la Cámara Santa) y la fonte de Foncalada n’Uviéu (primer metá del sieglu IX). Otros templos asturianos caltienen partes atribuyibles al períodu altomedieval, como Santianes de Molenes de Pravia (774-783) o’l testeru de Santiso d’Uviéu/Uviéu (791-842).
Dende 1985 seis monumentos del Prerrománicu asturianu son Patrimoniu Mundial de la UNESCO, por ser xuna amuesa relevante de la cultura del reinu cristianu d’Asturies, desenvuelta nel momentu de mayor rellumanza del emiratu de Córdoba, y pola notable influencia qu’exerció na posterior arquitectura europea.
En 1985, La UNESCO decidió incluyir como Patrimoniu de la Humanidá a Santa María del Naranco, San Miguel de Lliño y Santa Cristina de L.lena. Trelce años más tarde, en 1998, amplióse la inscripción a Santuyano de los Praos, Cámara Santa d’Uviéu y Foncalada.
Los principales monumentos d’Uviéu y del Reinu d’Asturies empezaron a construyise a principios del sieglu VIII y mientres tol sieglu IX.
La UNESCO ye una organización dependiente de la ONU creada para fomentar la paz, la educación y la cultura nel mundu.
Probablemente la so contribución más conocida ye la de protexer ciertos llugares por aciu la so declaración como Patrimoniu de la Humanidá. Pero lo cierto, ye que gran parte del so esfuerzu destinase a la educación y alfabetización de la población. En particular a la formación de maestros, construcción d’escueles y dotación de material, sobremanera en países en víes de desenvolvimientu.
Asina mesmu, la UNESCO tien ente los sos oxetivos, promover la diversidá cultural, el desenvolvimientu sostenible y l’accesu a la información de tolos pueblos.
