Publicado en Ciencia, NATURA, Sin categoría

La gran conxunción de Xúpiter y Saturno en Navidá, nunca vista dende la Edá Media

Dempués de qu’esto asoceda, Xúpiter y Satuno nun van faer tal apaición hasta dalgún tiempu dempués del añu 2400

Tres la puesta del sol el 21 d’avientu, Xúpiter y Saturno van apaecer más xuntos nel cielu nocherniegu de lo que lo tuvieron dende la Edá Media, aparentando ser un planeta doble.  Xúpiter y Saturno tuviéronse averando nel cielu de la Tierra dende’l branu. Del 16 al 25 d’avientu, los dos van tar dixebraos por menos del diámetru d’una lluna llena.

«Na nueche de mayor aproximamientu, el 21 d’avientu, van vese como un planeta doble, dixebraos solo per una quinta parte del diámetru de la lluna llena», dixo Hartigan, profesor de física y astronomía. «Para la mayoría de telescopios, cada planeta y delles de les sos llunes más grandes van ser visibles nel mesmu campu de visión esa nueche».

Anque les meyores condiciones d’observación van tar barganal del ecuador, l’eventu podrá reparase en cualquier llugar de la Tierra, si’l clima dexa. Hartigan dixo qu’el dúo planetariu va apaecer baxu nel cielu occidental mientres aprosimao una hora dempués del atapecer cada nueche.

«Cuanto más al norte tea un espectador, menos tiempu va tener para acolumbrar la conxunción primero que los planetes fúndense sol horizonte», dixo. Afortunadamente, los planetes van ser lo suficientemente brillosos como para ser vistos nel tapecer, que puede ser el meyor momentu por que munchos espectadores estadounidenses reparen la conxunción.

«Les alliniaciones ente estos dos planetes son bastante rares, asoceden una vegada cada 20 años aprosimao, pero esta conxunción ye escepcionalmente rara por cuenta d´abarganar que se van ver los planetes ente sí», dixo nun comunicáu l’astrónomu de la Universidá Rice Patrick Hartigan. «Habría que recular hasta xustu antes del amanecer del 4 de marzu de 1226, pa ver una alliniación más cercana ente estos oxetos visibles nel cielu nocherniegu».

Aquellos que prefieran esperar y ver a Xúpiter y Saturno tan abargana y más altu nel cielu nocherniegu tendrán de quedase hasta’l 15 de marzu de 2080, dixo Hartigan. Dempués d’eso, la pareya nun va faer tal apaición hasta dalgún tiempu dempués del añu 2400.

Imagen compuesta de la Luna y la conjunción de Júpiter y Saturno. Tomada con un telescopio fotográfico de 50 imágenes que se escaló y se fusionó con el marco principal de la imagen. Crédito: @rami_astro
 
 
 

 

Autor:

Maestra de Llingua Asturiana Colexu Carmen Ruiz-Tilve - Uviéu