Árbol Frankenstein, el frutal que produz 40 frutes distintes

• Fonte: NG en español
• Árbol Frankestein / semeyes
• Tree of 40 Fruit/ semeyes

Cirueles, piescos, nectarines, albaricoques, cereces, almendres, toos nel mesmu árbol y ye conocíu como l’árbol de los 40 frutos.

Un proyectu llamáu «Tree of 40 Fruit», l’Árbol de los 40 Frutos n’español, ye una obra del escultor estadounidense Sam Van Aken.

Sicasí, nun ye una escultura, pero sí podría ser considerada como una pieza d’arte creada a partir d’elementos naturales. Polo que, hasta la fecha, esti árbol foi llantáu en distintos llugares d’Estaos Xuníos.

“Veo l’árbol de los 40 frutos» como una obra d’arte, un proyectu d’investigación y una forma de caltenimientu”, dixo Van Aken n’una charra TEDxManhattan nel 2014.

En 2008 esti artista empezó la so aventura con ensiertos, afitándose l’oxetivu de xugar con flores multicolores como un proyectu d’arte.
¿Cómo se produz l’árbol de los 40 frutos?

Van Aken llogró cultivar más de 20 árboles al traviés d’ensiertos. La intención d’esti artista, que tamién ye profesor d’arte na Universidá de Siracusa en Nueva York, ye resaltar la guapura de la naturaleza.

«Ye una oportunidá maraviyosa por que los neños interactúen con una pieza d’arte que tamién produz fruta«, dixo a CNN Autumn Young, director de marketing del muséu ‘Children’s Discovery Museum of San Jose’. «Ye una oportunidá d’enseñanza«, amestó.

Sicasí, para poder ver la resultancia de los ensiertos, del árbol de los 40 frutos», hai qu’esperar dellos años y los árboles merecen un cuidu especial.

Los elementos claves nesti proyectu ye la fradadura y asitiar en zones estratéxiques los ensiertos por que dean frutos. Polo que, tamién se trabaya nel ciclu de crecedera de cada fruta.

Yá que, l’artista diseña y entama cada unu de los árboles. Polo que, escueye cada especie por que florie y produza los sos frutos en distintos momentos del añu para aprovechar tol so potencial.

Esto favorez que l’árbol de los 40 frutos» tenga frutos mientres tol añu. Cirueles, piescos, nectarines, albaricoques, cereces, almendres, toos nel mesmu árbol.

¿N’ónde s’atopen esti tipu de «árboles?

La mayoría d’estos árboles tán alcontraos en xardinos comuñales, museos o colecciones privaes n’en Arkansas, Kentucky, Maine, Massachusetts, Nueva Xerséi, Nueva York, Pensilvania, por mentar dalgunos. Otros más viaxaron a Suecia y China.

El profesor d’arte quier llevar Tree of 40 Fruit a tol mundu, para amontar la diversidá frutal y espublizar el so arte a nivel global.