La UNESCO declara’l toque manual de campanes español Patrimoniu Cultural Inmaterial de la Humanidá.
El patrimoniu cultural inmaterial inclúi práctiques y espresiones vives heredaes de los nuesos antepasaos y tresmitíes a los nuesos descendientes, como tradiciones orales, artes escéniques, usos sociales, rituales, actos festivos, conocencies y práctiques relativos a la naturaleza y l’universu, y saberes y técniques …
La decisión foi adoptada pol Comité del Patrimoniu Cultural Inmaterial de la UNESCO axuntáu esta selmana en Rabar (Marruecos).
Na actualidá perviven n’España más de trenta maneres distintes de toque manual de campanes, un llinguaxe sonoru que se caltuvo a lo llargo de los sieglos como un mediu de comunicación comuñal.
Con un ampliu repertoriu de formes y técniques, tantu nel ámbitu relixosu como nel civil, los toques de campana regularon ensame d’aspeutos de la vida festiva, ritual, llaboral y cotidiana en tol territoriu español.
La protección d’esti llinguaxe pola UNESCO supon poner en valor y asegurar la continuidá d’esta tradición común, compartida ente los diversos pueblos d’España. Amás, contribúi a protexer unos sistemes de comunicación, casi siempres únicos, en cantu de la estinción pola falta de campaneros, figura fundamental pa salvaguardar esta práctica ancestral.
