Les ciudaes:
🧑🤝🧑Vive’l 50% de la población.
💨Responsables del 70% de les emisiones.
⚡Peracaben el 75% de la enerxía.
Ye necesariu integrar la naturaleza nes redolaes urbanes por que sían llugares más saludables, resilientes, alcontradizos y sostenibles.
- Fonte: Fundación Biodiversidad
- Día de… / Spanish / Recursu: Spanish / /
El 31 d’ochobre celebra’l Día Mundial de les Ciudaes, una fecha proclamada por laAsamblea Xeneral de la ONUen 2014. En 2014, ONU Hábitat llanzó una iniciativa llamada Ochobre Urbanu, para poner de relieve los desafíos urbanos mundiales y arreyar a la comunidá internacional nel desenvolvimientu de la Nueva Axenda Urbana, aprobada n’ochobre de 2016 na ciudá de Quito mientres la Conferencia d’Hábitat III.
Esta Nueva Axenda Urbana ye una estensión del Oxetivu de Desenvolvimientu Sostenible númberu 11 que pretende consiguir que les ciudaes y los asentamientos humanos sían inclusivos, seguros y sostenibles.
Les ciudaes de too el mundu tán sufriendo cada vez más los efectos y peligros rellacionaos col clima, como les inundaciones, les seques/sequies, l’aumentu del nivel del mar, les foles de calor, los deslizamientos de tierra y les nubes. Espérase que siquier 130 ciudaes portuaries con más d’un millón d’habitantes caúna, veanse afectaes por inundaciones costeros.
Para crear sociedaes más sostenibles, resilientes a los efectos del cambéu climáticu implica que tenemos d’encetar una variedá de problemes qu’inclúin la crisis climática, la probeza urbana, los asentamientos informales, apurrir infraestructura resiliente, garantizar l’accesu a servicios básicos para toles persones, xestionar los ecosistemes y sistemes urbanos, y faer que los medios de vida sían sostenibles y resilientes. Tamién implica desenvolver la resiliencia urbana énte una variedá de posibles impactos y tensiones esistentes.
Les ciudaes bien gobernaes son aquelles qu’amenorguen los riesgos de los efectos del cambéu climáticu pa les sos poblaciones. Más información pdf.
