Publicado en Día de...

Día Mundial del Saludu

¡Hola! El saludu tamién tien el so día. El 21 de payares celebramos el Día Mundial del Saludu, como elementu básicu y fundamental na comunicación ente les persones. Ye xuna amuesa de cercanía y cortesía que se practica en tol mundu. Videu con saludos…

Etimolóxicamente la palabra saludo provien del llatín «salutare», deriváu de «salus» (salú), ye por ello que saludar implica deseya-y salú a otra persona.

El saludu nun ye solo un vezu propiu de los seres humanos. Los animales tamién manifiesten amueses de saludu como un mediu de comunicación. Delles especies llámbense, güelen y golifen ente sí.

Na actualidá saludar a propios y estraños tornóse cada vez más inusual. Va faciéndose cada vez menos frecuente recibir un «hola», o un «bonos díes» al entrar a un ascensor, na fila pa mercar café o al dir a un supermercáu. Ye por ello qu’esti día ta dedicáu especialmente a rescatar esti vezu, non solo por costume, sinón pa reafitar y alicar la convivencia humana en tiempos de crisis, de perda de valores y apocayá, pola pandemia que nos afectó a toos por igual.

La idea de conmemorar el saludu como fecha conmemorativa foi iniciativa de Brian y Michael Mc Cormack, dos hermanos norteamericanos, quien s’interesaron en rescatar al saludu como vezu, fomentando con ello la paz nel mundu. Esta propuesta foi darréu acoyida y sofitada por educadores, intelectuales, políticos y otres personalidaes. Siendo estudiantes de la Universidá de Harvard nel añu 1973, Michael Mc Cormick reparaba con esmolición la hostilidá y la violencia desenvueltes en el conflicto armáu ente Israel y los países árabes d’Exiptu y Siria.

Col so hermanu Brian pensaron nuna iniciativa, pa demostrar la so inconformidá con estos conflictos armaos y promover la paz como camín. Concluyeron que si toles naciones sostienen xuna relación cordial basada nel diálogu y la comunicación resolveríense los desalcuerdos y disputes d’una manera pacífica, beneficiando a toles persones. Siendo l’entamu de too diálogu un simple saludu.

Unviaron miles de cartes escrites en dellos idiomes a líderes en tol mundu pa solicitar el so sofitu nesta iniciativa. Mientres el primer añu quince países espresaron el so sofitu a esta magnífica idea. D’esta manera surdió’l World Hello Day, por que’l mundu celebre’l saludu como espresión y símbolu de comunicación ente les persones, promoviendo la paz.

Per otra parte propunxeron, como motivu pa celebrar esti día, saludar a a lo menos diez persones desconocíes, ya inclusive aprender a faelo en distintos idiomes. Con ello reafitaría la comunicación personal, según la paz y l’allegría ente les persones.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *