Publicado en Arte, Curiosidaes

«Uma» ye’l nome escoyíu en redes sociales pal gatu negru en grafiti

Mural fechu pol artista urbanu Xolaka

El Gatu negru de Llugones yá tien nome: ‘Uma’ foi’l nome escoyíu al traviés de les redes sociales pal mural fechu pol artista urbanu Xolaka. Con 149 votos, ‘Uma’ foi’l nome qu’algamó más ‘likes’ ente una ventena d’opciones.

Un millar de persones participaron nesti bautismu online. L’apodu ganador ye un homenaxe a un perru bodegueru andaluz, la mascota de la persona que lu propunxo.​

Rubén González ye l’autor de la propuesta y «Uma«, según esplicó, ye tamién el nome del can de raza bodegueru andaluz de la so mascota.

El segundu nome más votáu foi «Yeti«, con 137 sofitos, y l’idea foi d’Anxélica Vázquez, tamién ye un homenaxe a la so mascota, adoptada nes mesmes feches nes que l’artista valencianu «Xolaka» pintaba’l mural del gatu.

La tercer propuesta más votada, con un total de 113 «Gústame» foi Lug, «que rinde homenaxe al pueblu celta Luggoni, antecesores y fundadores de Llugones».

En total, recibiéronse una ventena de propuestes distintes y votaron más de 1.000 usuarios a los distintos llamatos.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *