Publicado en Curiosidaes, NATURA

Hyperion ye l’árbol más altu del mundu

Con 115.85 metros d’altor, Hyperion ye l’árbol más altu del mundu del que se tien rexistru; sicasí, el so allugamientu esactu sigue siendo un secretu para evitar que sufra dalgún dañu.

El llar del árbol más grande del mundu ye un secretu namá al algame d’unos cuantos biólogos y guardabosques que conocen el camín esactu para llegar a él.
A diferencia del Xeneral Sherman, una secuoya xigante de 83.8 metros d’altor y 2 mil tonelaes de pesu que funge como la principal atracción del Parque Nacional de les Secuoyas, al norte de California… el paradoriu de Hyperion ye más bien discretu. El xigante de 115.85 metros d’altor nun tien una ficha informativa a los sos pies, nin siquier lletreros y señalizaciones que lo faigan fácilmente identificable.

Tampoco esiste senderu dalgunu para llegar al so tueru, d’unos 5 metros de diámetru, nos 540 kilómetros del complexu del Parque Nacional Redwood, allugáu 500 kilómetros al norte de San Francisco.

La monumentalidad de Hyperion ye tal, que la perspectiva humana ye insuficiente para cayer en cuenta del so colosal tamañu: el trupu monte tórnase escuru conforme les secuoyas algamen decenes de metros d’altor, de cuenta que resulta imposible dimensionarlos a güeyu.

A pesar del so tamañu, Hyperion nun ta solu: cerca d’él llevanten Helios y Hicarus, otru par de secuoyas coloraes qu’algamen 114 y 113 metros, respectivamente, amás d’otros cientos d’árboles que raspien el centenar de metros d’altor, de cuenta que’l ser vivu más altu del planeta garantiza la so protección camufláu ente la borrina y xuna ensame de la so especie.

Entá con seis sieglos a cuestes /arrecostines, Hyperion y los demás árboles de la so especie siguen creciendo mientres la vieyera, atropando más madera añu con añu qu’engrosa’l so tueru y fortalez les sos cañes.

Parque Nacional Redwood, EEUU. Maps / G. Earth


/


 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *