La goma de borrar Milan de color verde va sobrevivir magar que nun apaez nel catálogu de 2022. La empresa catalana respuende al llamentu de les redes sociales asegurando que si’l mercáu pide’l clásicu modelu, va fabricalu. Fonte: El País.
- Milan: web/ Instagram / Twitter / Catálogu 2022 páx 17/
L’alerta nes redes sociales de que nun habría más gomes verdes de Milán amenó alderiques en conxustes de radiu y llargues conversaciones en redes sociales como Twitter. Sobro qué xeneración utilizó cada goma, la utilidá de caúna d’elles pa borrar rastros de distintos lápices, encaloraos alderiques sobro si ye meyor el modelu “miga de pan” o la Milan Nata.
La desapaición d’un oxetu de dos por dos centímetros d’un catálogu que tien 284 páxines puede convertise n’una de les noticies del día. Y ye que nel catálogu de 2022 de la empresa catalana de material escolar, escritura y artes plástiques Milan, la goma “miga de pan” 430 apaez en color blancu y rosa, pero non en verde. Llámase “miga de pan”, a éstes porque primero que se fabricaren gomes de cauchu, para borrar emplegábase miga de pan bien apretuxada.
Pero preguntada la empresa per corréu electrónicu, respuende por escritu qu’esiste unu “tracamundiu sobro unu de los productos estrella”. “La goma de borrar Milan 430 siguimos fabricándola n’España dende 1918. Los estudios de mercáu indíquennos que la xente prefierles mayoritariamente en color blancu o rosa, pero por descontáu que si’l mercáu pidila en color verde, vamos tar encantaos de fabricales tamién en verde”, esclaria.
Parque Figures Xigantes Malgrat de Mar (Barcelona)
