Publicado en Ferramientes

Homenaxe al Campu asturianu: El carro del país

Ver más semeyes nesta páxina.

EL CARRO DEL PAIS, ye un mediu de tresporte de tracción animal, xeneralmente tirau per gües o vaques, consta de dos ruedes, un timon llamáu piertigo onde va xuníu’l xugo y la caxa onde s’echa la carga.

El carru del pais o rinchon ye unu de los mas antiguos que se conocen n’Asturies. Los primeres fueron de forma triangular, sobre unes ruedes de madera reforzáu con una banda de rodadura de fierro p’asegurar la so durez a la gastadura, les primeres yeren macices, llamándoles ruedes de chaplon, pasando col tiempu a otres mas llixeres, les ruedes de camba ya las de cambiche. Toes elles xiraben col exe sobre les trichorias, que teníen dos torniellos que sirvíen de frenu, pa evitar la gastadura del exe, se untaba con toucin  El resfregón de la madera del exe y les trichorias daba llugar a un ruiu característico un  rinchar que da nome a esti carru, el rinchon. Na caxa alzaben unos palos , llamaos estadoños, sirvíen pa suxetar la carga, ente que n’otres zones teníen un trenzado de palos llamau cebatu, onde tresportaben granu, tierra etcétera.

Cola evolución  la caxa paso de ser triangular a rectangular, montando nella unos llaterales desmontables y aprovechando l’espaciu ente los gües xustu enriba del piertigo, pa montar unes parrilles de madera, bien utilizaes pa tresportar mas volume de yerba. Dellos tamaños de carru, pa cada usu y zona, prporcionaben al llabrador una comodidá nel trabayu diariu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *