Publicado en TIEMPU, Uviéu

Una “terrible” nube colapsa Uviéu

La capital, segunda localidá del país onde más llovió, sufre una hora de caos: comercios y viviendes anubiertes y un gran llagu en Ventanielles. La predicciones yá punxeren a los asturianos sobro avisu, pero naide imaxinábase lo que taba por venir. Videos / Galería /

A eso de los trés y media de la tarde’l cielu púnxose negru como’l carbón y empezó a xarrear como si se tratara d’un castigu divín. Agua, xarazo y rescamplos a tou trapu, con tanta intensidá que munches cais d’Uviéu llegaron a paecese a les canales de Venecia. Ello ye que el centru tuvo colapsáu siquier mientres una hora en plenu bastiu y la ciudá permaneció, hasta bien entrada la tarde, a la cabeza de la llista de les localidaes españoles colos rexistros más altos d’agua per metro cuadráu (45,8 llitros). O Saviñao, na provincia de Llugo, acabó la xornada nel primer puestu. “Los mesmos bomberos aseguren qu’enxamás vieren cosa igual”, afirma José Ramón Prau, el conceyal de Seguridá Ciudadana d’Uviéu.

La gran tromba nun duró más de cuarenta minutos, pero foi tiempu abondu como pa poner pates arriba media ciudá. Nel centru, en cais como Uría o San Francisco, l’agua pasaba en demasía percima de los todíos y entraba como una cascada en comercios y locales hosteleros. Los sos propietarios trataben d’evitalo por tolos medios, pero la riada yera imparable. Mentanto, el teléfonu d’emerxencies nun paraba de sonar pa solicitar ayuda a los bomberos.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *