Publicado en Alimentos, Guíes

Cultivu del güertu ecolóxicu n’Asturies 

🥬🥒🧄🧅 El director xeneral de Política Llingüística, Antón García, presentó hoi nel colexu Jesús Neira de La Pola (Ḷḷena) la publicación qu’edita la Conseyería de Cultura, Política Llingüística y Turismu 𝐂𝐮𝐥𝐭𝐢𝐯𝐮 𝐝𝐞𝐥 𝐠ü𝐞𝐫𝐭𝐮 𝐞𝐜𝐨𝐥𝐨́𝐱𝐢𝐜𝐮 𝐧’𝐀𝐬𝐭𝐮𝐫𝐢𝐞𝐬 , un manual orientativu y informativu sobre les plantes de güerta, el calendariu de sema, qué nos aporten, problemes y remedios y hasta refranes. VER PDF

La Dirección Xeneral de Política Llingüística, la Rede de Normalización Llingüística nos Conceyos y el Conseyu de la Producción Agraria Ecolóxica d’Asturies (COPAE) ellaboraron la publicación Cultivu del güertu ecolóxicu n’Asturies Cultivo del horto ecolóxico en Asturias, una guía práctica pal cultivu ecolóxicu editada n’asturianu y eonaviegu.

El proyectu surdió pa sorrayar la rellación ente les llingües propies d’Asturies y l’autocultivu sostenible d’alimentos.

Cultivu del güertu ecolóxicu n’Asturies / Cultivo del horto ecolóxico en Asturias ye un manual de 24 páxines onde se recueye la información práctica necesaria pa toa persona que quiera cultivar un güertu ecolóxicu. La publicación incluye un calendariu pa semar, rotaciones de cultivos, plantes acompañantes y una ficha completa de caún de los cultivos más comunes y afayadizos pal territoriu asturianu: pataca, cebolla, maíz, calabacín, etc. Amás, cada ficha incluye un refrán asturianu sobre estos cultivos, el clima o sobre los llabores na tierra en xeneral.

El proyectu nació cola idea de sorrayar la rellación ente les llingües propies d’Asturies y l’autocultivu sostenible d’alimentos, actividá bien enraigonada na cultura asturiana.

El cuadernu, del que s’editaron 8.000 unidaes n’asturianu y 2.000 en gallego-asturianu o eonaviegu, va repartise nes escueles asturianes adheríes al programa Alimentación saludable y de producción ecolóxica nos comedores escolares d’Asturies, puestu en marcha por trés conseyeríes: Salú, Mediu Rural y Cohesión Territorial y Educación. Esti programa promueve, ente otres coses, el plantíu nos recintos escolares de güertinos ecolóxicos cola participación d’alumnáu y profesoráu.

ℹMás Información y descarga de les publicaciones: tinyurl.com/yc7mpmzs

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *