| Kanji | 赤い糸 運命の赤い糸 |
|
|---|---|---|
- Wiki /
La lleenda afirma qu’aquellos que tean xuníos pol filo coloráu tán destinaos a convertise n’almes ximielgues, y van vivir una hestoria importante, y nun importa cuánto tiempu pase o les circunstancies que s’atopen na vida. El filo coloráu puede enredase, espurrise, enterriase o foliase… pero nunca rompese.
El filo coloráu del destín (chinu simplificáu: 红线; chinu tradicional: 紅線; xaponés: 赤い糸), tamién conocíu como «gordón coloráu del destín» o «filo coloráu del amor», ye una creencia d’Asia oriental, presente na mitoloxía china y na xaponesa. Amás, esti mitu refléxase tamién n’Occidente coles llamaes «Almes ximielgues».
Según esti mitu, los dioses arreyen un gordón coloráu alredor del todíu o nel deu meñique, nel casu de la cultura xaponesa, de los qu’han de conocese o ayudase nun momentu concretu y d’una manera determinada.
Para la lleenda china, Yuè Xia Lǎo (月下老), de cutiu embrivíu como Yuèlǎo (月老), l’antiguu dios llunar, al cargu de los matrimonios, ye l’artífiz d’ese fechu.
Esti filo ta xuníu a la persona que más vas poder llegar a querer y siempres toos vamos tener unu.
Asina, los dos persones xuníes pol filo coloráu tán destinaes a ser queríos ente sí, independientemente del momentu, el llugar o la circunstancia. Poro, esti gordón máxicu puede espurrise o enredar, pero nunca puede rompese.
