«Escribir tamién ye nun falar.
Ye callase.
Ye agullar ensin ruiu.
Un escritor ye daqué que fuelga,
con frecuencia, escucha enforma.
Escribir. Marguerite Duras
Nun fala enforma porque ye imposible falar
a daquién d’un llibru que s’escribió y
sobremanera d’un llibru que se ta escribiendo.
Ye imposible. Ye lo contrario del cine,
lo contrario del teatru y otros espectáculos.
Ye lo contrario de toles llectures.
Ye lo más difícil. Ye lo peor.
Porque un llibru ye lo desconocío,
ye la nueche, ye zarráu, eso ye.
El llibru avanza, crez, avanza
nes direcciones que creíamos esquizar,
avanza escontra’l so propiu destín
y el del so autor. […]
Un llibru abiertu tamién ye la nueche.»