Trescorrales va acoyer esta fin de selmana la primer Feria de la Edición Asturiana

El Gremiu d’Editores d’Asturies entama esta fin de selmana la primer Feria de la Edición Asturiana, na plaza de Trescorrales d’Uviéu, una actividá realizada en collaboración cola conceyalía d’Educación del Conceyu y que va cuntar cola participación de trenta editoriales asturianes. Naz con vocación de convertise nun eventu fixu dientro del calendariu anual del mundu editorial y pa rescamplar la producción del sector editorial asturianu. Va cuntar con cuasi una trentena d’editoriales asturianes que van mostrar al públicu los sos catálogos, amás d’ufiertar una programación d’eventos pa toles edaes: presentaciones, firmes, meses redondes o recitales poéticos.