Publicado en Día de..., Reciella

Día de la Reciella

/

L’asociación Reciella (families pol asturianu) anunció séptima edición del Día de la Reciella, que  va celebrase’l sábadu 2 d ochobre de 2021 nel Muséu del Pueblu d’Asturies.

El lema del Día de la Reciella en 2021 va ser ‘L’asturianu sal con nós’ y, como n’años anteriores, ta promocionándose l’eventu al traviés d’unu cantar qu’anguaño ye de Xaime Martínez.

Lo meyor, ensin dulda, da-yos espacios onde sentir l’#asturianu con normalidá a neñes y neños asturfalantes, como esto.

El Museu del Pueblu d’Asturies va axuntar a les families qu’apuesten pol asturianu n’una xornada d’ociu, deporte y música pensada para los más pequenos de la casa. L’Asociación Cultural Reciella celebra, dende l’añu 2.013, esta fiesta abierta a tol que quiera averase y na que toles actividaes -que son numberoses- tienen como llingua vehicular puramente l’asturianu.

El ‘Día de la Reciella’ suma actividaes d’iniciación al cosplay, mensaxes pal futuru y música electrónica

La Cosplayer asturiana y presentadora de CosplayPresta, Shiro Ychigo, va falanos del Cosplay nuna actividá práctica na que va usar tamién materiales audiovisuales.

Asina lo destacaron el presidente de la Fundación Municipal de Cultura (FMC), Miguel Barrero, y el responsable del eventu, David Guardado. La octava edición del festival celébrase col lema ‘L’asturianu sal con nós’.

Guardado esplicó qu’esti día suma actividaes n’asturianu dirixíes a tola familia. Eso sí, poles restricciones sanitaries, nun va haber la popular carrera, nin talleres «de contactu», nin danza prima.

Sí que va cuntar con actividaes de deporte, ociu y cultura, como cuentacuentos, folclore, mercadín, conciertos y exhibiciones deportives.

La xornada va empezar con una actividá d’axedrez, siguida d’una exhibición de fútbol del Club de Fútbol del Ciares, que va narrar Pelayo Rodríguez.

Tamién va haber una exhibición de valtu –llucha asturiana– y van actuar los neños de la banda de gaites El Gumial. Coles mesmes, l’eventu va acoyer un espectáculu de música electrónica, con tintes asturianos y amiestu d’audiovisuales.

Como novedá, va desenvolvese una actividá d’introducción al cosplay, cola participación de Shiro Ychigo, una cosplayer asturiana con presencia en redes sociales.

Amás, de la mano de ‘Cuatro Gotes’, quien lo quiera va poder dexar un mensaxe al futuru, pa neños de dientro de diez años. El conteníu del mensaxe va ser llibre.

Coles mesmes, los asistentes van poder esfrutar d’un taller de baille tradicional, un mercáu de música y lliteratura n’asturianu, un cuentacuentos, y un conciertu de ‘Kikirikikí’, al cargu d’Alicia Álvarez y David Varela.

Guardado destacó que namás na organización del festival participen ente 60 y 70 persones que trabayen «desinteresadamente», como tamién los que desenvuelven les actividaes. Pa dar a conocer l’eventu, editóse un vídeu al cargu de Pablo Quiroga y Juan Tizón, según informa EUROPA PRESS.


EL VALTU NA PROGRAMACIÓN DEL VIII DÍA DE LA RECIELLA

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *