Bonos díes, bona xente.
Alborecemos con nubes ya claros y con unes temperatures que tan alrodiu de los 17ºC, rexistrándose nel puirtu Payares 11,5ºC. Güei la inestabilidá va afeutar sobre too a la fastera central asturiana anque la mañana sedrá seliquina y afayaiza con bonos ratos de sol y temperatures qu’anque descenderán con respeutu a díes atrás seguirán siendo altes. Pela tarde dirán desendolcándose les nubes que mos apurrirán xarabatos de calter tormentosu amás vendrán acompangaos d’aparatu elléutricu y cola posibilidá de granizu o xarazu. L’aire sedrá sele ya variable polo xeneral y les temperatures descenderán llixeramente.
- Fonte: El Tiempu n’Asturies.
Mañana llunes seguiremos con inestabilidá ya podrán dase xarabatos o bastiazos de calter tormentosu, sobre too pela cordelera con unes temperatures que van dir baxando otro poquiñin más, el martes les tronaes sedrán menos estenses ya intenses y el miércoles desaparecerán ya tendremos nubes ya claros nel cielu pero esto yá lu diremos viendo.
