L’Asamblea Xeneral de les Naciones Xuníes proclamó’l 24 de xineru de 2018 el Día Internacional de la Educación, en celebración del papel que la educación desempeña na paz y el desenvolvimientu de too el planeta. Una xornada que, nesti 2023, celebra la so quinta edición y que va tener como lema “Invertir en persones, priorizar la educación”.
“Invertir en persones, priorizar la educación”.
- UNESCO: web / cartelu /mensaxe n’español /
La educación ye un derechu humanu, un bien público y uno responsabilidá colectiva.
Ensin una educación calidable, inclusiva y equitativa para toos y d’oportunidaes d’aprendizaxe a lo llargo de tola vida, los países nun van llograr algamar la igualdá de xéneru nin romper el ciclu de probeza que dexa arrezagaos a millones de neños, nuevos y adultos.
Na actualidá, 244 millones de neños y nuevos tán ensin escolarizar y 771 millones d’adultos son analfabetos. El so derechu a la educación ta siendo violáu y ye inaceptable. Ye hora de tresformar la educación.
La UNESCO dedica’l Día Internacional de la Educación d’anguaño a les neñes y muyeres d’Afganistán que se vieron quitaes del so derechu a la educación. Pide’l llevantamientu inmediatu de la prohibición qu’acuta’l so accesu a la educación.
Hai que dar prioridá a la educación para acelerar el progresu escontra tolos Oxetivos de Desenvolvimientu Sostenible nun contestu de recesión mundial, desigualdaes crecientes y crisis climática.