Publicado en Fotografía, NATURA

Miles de criatures diminutes que viven na escuridá del océanu

El fotógrafu Ryo Minemizu alluma les agües del océanu para desvelar el misteriosu mundu submarín del plancton. Ver noticia.

Una paralarva de Thysanoteuthis rhombus, un tipu de calamar. «Ta posando de forma inusual, alzando los sos brazos a lo llargo del mantu», esplica Minemizu sobro´l pose defensivo del animal.

Cuando nades nel océanu, probablemente lo faes ente miles de criatures diminutes —bárabos de pexes, pulpos, oricios, crustáceos— recién nacíes o qu’empiecen a maurecer pa aportar a adultes. Xuntu coles plantes y otros organismos, estos seres conformen la base de la cadena trófica marina, dando vida y apurriendo sustentu.

El fotógrafu Ryo Minemizu pasó 20 años buciando frente a les mariñes de Xapón, perfeccionando xuna técnica propia pa revelar la entrevesgada guapura d’estes criatures. Esta serie d’imaxes, titulada The Secret World of Plankton, fixo que fora galardonáu col Nikkei National Geographic Photo Prize.

Tresmitir visualmente esti mundu secretu dende daqué apenes perceptible a güeyu a semeyes coloríos y vívidos supon un exerciciu de paciencia. Al atapecer, dempués de la marea alta, Minemizu y el so equipu asitien 30 lluces LED que representen colores sobro trébedes nel llechu marín abargana de los llugares de cría de los pexes llarvales migratorios. De siguío espera mientres hores mientres les lluces atraen a los organismos y dempués, dependiendo del so tamañu, emplega oxetivos macro o de gran angular pa fotografialos. El tamañu mediu de los bárabos atópase ente 1 y 4 centímetros, según les sos estimaciones, y dalgunes pueden aportar a diminutes, con solu 2 milímetros de llargor.

«Sospriéndenme los nuevos descubrimientos que faigo cada vez que somorguio», escribió por email. «Tamién m’impresiona cómo estes criatures diminutes son capaces d’afaese a condiciones que suelen ser difíciles. Paecen fráxiles, pero son capaces de desenvolver los medios pa protexese de los depredadores volviéndose tresparentes, desenvolviendo xuna ‘armadura’ protectora como aletes asemeyaes a banderes. Almiro la so llucha por sobrevivir».

Minemizu espera que les sos fotografíes espierten l’interés pola vida marina y l’importancia de protexela. «Quiero compartir estes revelaciones sobro la guapura del nuesu mundu sol mar con tanta xente como sía posible».

Autor:

Maestra de Llingua Asturiana Colexu Carmen Ruiz-Tilve - Uviéu