Publicado en Asturies, Ver Asturies

Un percorríu pola sablera de Cueva

El pequenu tramu d’apenes 1’5 kilómetros, de longitú, que se desenvuelve nel conceyu de Valdés, ye una perfecta escusa para dar un saludable paséu tres una bayurosa vianda.

Atopamos somorguiaos en dos zones protexíes administrativamente: el Paisaxe Protexíu de la Cuenca del Esva y el Paisaxe Protexíu de la Mariña Occidental. Del primeru puede esfrutase na desaguada del Esva na sablera de Cueva. L’Esva ta consideráu como la cuenca hidrográfica meyor caltenida del norte del estáu. Ríu salmoneru, cuenta con montes de ribera, de carbayos, pinares, praderíes y una fauna ente la que destaca la llondra (nutria), que tan solo coloniza agües pures. Kilómetros percima de Canero, cerca de Brieves, podemos visitar l’estrechu escobiu escavado pel ríu: los Focetes del Esva, tamién Monumentu Natural.

El Paisaxe Protexíu de la Mariña Occidental ye xuna estrecha franxa costera de paisaxe abierto al mar con grandes estensiones de praos y yerbazales que caltien sectores de mariña poco accesibles y de gran valor. Cuenta con cantiles y sableres predreses d’enorme guapura y pueblos d’enraigonada cultura y tradiciones martítimes. La fauna predominante componse de xabalíes, foinos, esguiles, melandros y diverses aves marines, ente les que destaca la mabea o cormorán moñudo. Amás, ye importante la presencia de salmones y truches pelos sos ríos, especialmente na Esva o Canero.

El percorríu ye curtiu, apenes kilómetru y mediu. Xuna sienda apta pa toles persones, sacante persones con minusvalía y si llevamos bicicleta con cuidu, yá que hai tramos con pasos.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *