Esfruta de la sablera con responsabilidá. Ente toos tenemos de protexer y caltener estos espacios que tanto nos gusten pa poder siguir esfrutándolos.
➡️Cuando vaigas a la sablera nun escaezas siguir estos encamientos:
1️⃣Esfruta de la sablera con tolos tos sentíos. Les sableres del Principáu d’Asturies tienen xuna gran riqueza natural tando munches d’elles asitiaes n’espacios naturales protexíos.
2️⃣Camina con cuidu, non solo son montones de sable. Munches sableres d’Asturies tienen ecosistemes dunares de gran importancia ecolóxica pero tamién bien fráxiles.
3️⃣Evita transitar poles dunes y utiliza los pasos establecíos pa travesales, non coloques la toball sobro elles y si tán abalizaes respeta los perímetros que les protexen.
4️⃣Almira la singular flora de les nueses sableres. Puedes atopar nes nueses playes precioses flores que consiguin sobrevivir nun ambiente realmente complicao. Munches tán protexíes, asina que contémplales y procura nun triales o arrincales.
5️⃣Dexa solo les tos buelgues. Nun dexes basura nes sableres, utiliza los contenedores habilitaos pa dexar les tos borrafes.
6️⃣Afaya lo que trai’l mar. Les corrientes y l’aguaxe dexen na sablera gran cantidá de materiales o «arribazones» que, amás d’apurrir abellu y alimentu a munches especies animales, escuenden munchos secretos.
7️⃣Comparte la sablera colos turistes alaos (con ales). Pel branu visiten les sableres numberoses aves que faen xuna parada técnica mientres los sos viaxes migratorios. Déxales folgar y nun les fadies innecesariamente. Si tienes perru, recuerda qu’ellos tampoco deben importunales.
8️⃣Respeta a los animales que viven nel intermareal. Puedes date un paséu pol pedreru» y afayar la vida qu’alluguen les pequenes poces de marea. Si quies pescar, recuerda que ye necesariu tener una llicencia a valir y respetar les talles y artes autorizaos.
9️⃣Primero de too, seguridá. Nun arruines un gran día de sablera, sigue les indicaciones del personal de salvamentu, xixila les corrientes antes d’entrar a l’agua y evita asitiar la to toballa en zones con peligru de desprendimientos.
🔟Aparca con responsabilidá. Antes de visitar les sableres, infórmate d’ónde ye posible aparcar y aparca nes zones habilitaes pa ello. Non estaciones el to vehículu cerrando’l pasu a caminos, viviendes o torgando la salida d’otru
