Publicado en Oficios, RTPA, Sin categoría

Juan Lozano ye unu de los postreros madreñeros que queden en Casu

El so oficiu nun tien relevu xeneracional nel conceyu 

Sobren deos d’una mano pa numberar los madreñeros que queden en Casu y falten manes pa cuntar les madreñes que lleva feches Juan Lozano dempués de 57 años nel oficiu. Empezó siendo un guah.e en Bezanes y siguió en Veneros, onde se casó.

Aguanta exerciendo dende’l so taller, con vistes privilexaes al Parque de Redes. La facilidá cola qu’esplica’l procesu al empar que remana l’hachu y va ellaborando pares y pares de madreñes, faen que paeza una xera cenciella.

Mientres foi presidente de l’Asociación d’Artesanos de la Madera y Madreña de Casu, Lozano intentó da-y a la madreña’l valor que-y merez con feries o talleres. Sicasí, ve-y un futuru poco esperanzador.

Hasta agora Juan nun tien pensao abandonar, pa qu’asina, les sos madreñes, nun dexen de sonar pelos caminos de Casu.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *