La iniciativa incide na igualdá de capacidaes en cualquier ámbitu profesional
y na necesidá de superar los estereotipos de xéneru na elección d’itinerarios formativos.
La Conseyería d’Educación llanzó una campaña de publicidá coles mires de favorecer la incorporación d’alumnes de Formación Profesional (FP) a ciclos y sectores tradicionalmente masculinizados.
La iniciativa incide na igualdá de capacidaes en cualquier ámbitu profesional y na necesidá de superar los estereotipos de xéneru na elección d’itinerarios formativos, según informó esti miércoles la Conseyería.
La campaña, financiada pol Conseyu d’Asturies de la Formación Profesional, utiliza para la so creatividá imaxes de muyeres matriculaes en cuatro d’esos ciclos con una presencia masculina mayoritaria. En concretu, trátase d’estudiantes de Técnica en Soldadura y Calderería, Técnica en Carpintería y Mueble, Técnica en Mecanizado y Técnica Cimera en Diseñu de Fabricación Mecánica.