Queremos convidaros a los talleres d’antroxu que vamos facer los sábados d’esti mes de febreru nos llocales del Llar La Llegra, Postigu Baxu 40, en collaboración con Reciella, Families pol asturianu.
- Sábadu 5 de febreru, de 17,30 a 19h. Taller de Personaxes del Antroxu d’Uviéu.
- Sábadu 12 de febreru, de 17,30 a 19h taller d’Antroxos y mázcares.
- Sábadu 19 de febreru, de 17,30 a 19h taller d’antroxos, danza, música y coples.
Asina vamos armar la comparsa -esti añu conxunta, de neños/es y grandes- y ¡ala! a correr l’antroxu pel Antiguo.
Apuntái los díes:
- 24, Xueves de Comadres,
- 26, Sábadu Frixueleru, plantamos la Vieya,
- 27, Domingu Gordu,
- 28, Llunes d’Antroxu, Aguinaldu de Mazcaritinos,
- 1 Marzu, Martes d’Antroxu, enterramos la Sardina.
- 19 Marzu, Sábadu, partimos la Cuaresma con La Vieya del Carbayón.
Con esta programación hai xera abondo y folixa asegurao. Podeis dir apuntando los díes y dir pensando los mázcaros que más vos acomoden. Animáivos a antroxar con nós, qu’entamamos mañana y vamos armala mui gorda. Los Mazcaritinos que se preparen y los Mazcaritos que nun se duerman nel xergón.
¡Puxa l’antroxu d’Uviéu! ¡Llarga vida a los Mazcaritos!
P’apuntase (a toos o cualquiera de los díes), podéis facelo nesti corréu: mazcaritosduvieu@gmail.com.