Publicado en Arte, La Benéfica

Campaña pa recaudar fondos pa «La Benéfica»

Centru cultural y de creación artística en l’Infiestu, conceyu de Piloña. Tamos en procesu de recuperación del edificiu qu’antaño foi teatru.
Yá ta en marcha la campaña de micromecenázgu de La Benéfica. Collaborái!
La Benéfica ye un espaciu por rehabilitar y reconstruyir n’Asturies, onde va pasar de too al rodiu l’Arte y la Cultura, y sobremanera de la (la so) xente. Soi mecenes d’esti proyectu nel que puede participar tol mundu, collabora y baltia una teya pal nuevu teyáu, o apúntate a una preba y tour nun llagar, o fábrica de cerveza, o los dos, nun tienes por qué escoyer. Tíra-y los tejos a La Benéfica y escueye la to recompensa https://www.goteo.org/project/la-benefica
Ta Kubrick, Scorsese, Tarantino… Ta Hollywood. Tán les grandes estrelles de l’alfombra roxa.
Pues nós tenemos a @nuberubagu y a “La Bene”, y la nuesa alfombra bermeya ta enllena castañes, y güel a pación y tierra moyao.

Y tenemos parées de piedra, y un techu qu’iguar. Nós tenemos a La Benéfica, y güei, vienres, la campaña sigue en marcha en Goteo y tenemos munches coses que preparar pal Amagüestu del domingu.

Dexámoste un vídiu dirixíu polos Nuberu que dexa claro que La Bene ye y va ser grande, y tamos deseyando que toos vivamos el so tresformamientu, ¡mira a Manuel cómo lu pon de contentu!. ¿Cómo ayudar? Yá lo sabes. En Goteo y escoyendo la recompensa que más te preste.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *