Publicado en Curiosidaes

Atopen en Portugal el dinosauriu más grande de la hestoria d’Europa

UN SAURÓPODO

Mide 25 metros de llargor por 12 d’altor y foi topáu por casualidá cuando’l dueñu d’una casa dispúsose a faer unes obres nel so xardín.

Semeya: Semeya del Institutu Dom Luiz (Facultá de Ciencies de la Universidá de Lisboa)

Pombal, una pequena población portuguesa d’apenes 20.000 habitantes a metá de camín ente Lisboa y Porto, convirtióse nel escenariu d’un enorme descubrimientu. Trátase de la cadarma d’un enorme dinosauriu que foi afayáu nel patiu traseru d’una vivienda y que podría ser el más grande enxamás atopáu n’Europa.

L’afayu produxose por casualidá, yá que foi’l mesmu dueñu de la casa quien se dio cuenta de qu’había unos güesos fosilizaos na so propiedá cuando se disponía a faer unes obres en 2017. L’home púsose en contactu con un equipu d’investigadores, qu’ese mesmu añu empezó a escavar. Agora, los paleontólogos d’España y Portugal que trabayaron nel llugar tán convencíos d’afayar daqué increíble.

Creen que se trata de los restos del saurópodo más grande enxamás atopáu nel Vieyu Continente. Estos dinosaurios de cuatro pates destaca por ser herbívoros y poles sos llargues cola y pescuezu. Y esti exemplar en particular puede pasar a la hestoria poles sos dimensiones: midía 25 metros de llargor y 12 metros d’altor.

Un afayu pocu común

Nun comunicáu que recueye EurekAlert, Elisabete Malafaia, investigadora postdoctoral de la Universidá de Lisboa, esplica que «nun ye habitual atopar toles costielles d’un animal asina, y muncho menos nesta posición, calteniendo la so posición anatómica orixinal. Esta manera de caltenimientu ye relativamente pocu común nel rexistru fósil de dinosaurios sobremanera saurópodos, del Altu Xurásicu portugués». 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *