Publicado en Música

«Orixe»: discu inéditu de Tinu Casal

El discu inéditu de Tinu Casal del que «naide sabía nada» ve la lluz. Sale a la vienta l’álbum que recueye nueve temas grabaos n’Italia pol artista nos años 70.  Naide esperaba l’apaición de nueva música de Tinu Casal, pero esti vienres sale a la vienta un discu inéditu, «Orixe», con nueve cantares grabaos n’Italia nos años 70 y que taben dende 1983 ensin catalogar nuna discográfica.

L’afayu «nun ye frutu de la casualidá», según cuenta’l productor del sellu Lemuria, Pablo Lacárcel, encargáu d’arrexuntar y editar l’álbum. La cinta magnetofónica reconstruyose nun estudiu de grabación de Madrid y de ende salieron nueve cantares. Ente elles, la versión «Vas Volar, volar», pero tamién otres pieces seminales como «París» o «Piel de porzolana», y un tema dedicada a la tierra natal del artista tituláu «Asturies».

«Asturias, perdóname por no poderte cantar esta, mi humilde canción, con gaita y con tambor y en tu lengua ancestral’.

«El discu ye’l descubrimientu d’una nueva faceta del artista que naide conocía yá que pudo faer lo que-y dio la gana, nun tenía nengún compromisu con naide y nótase».

Gracies a la recuperación d’esti discu, Lacárcel estima’l boom mediáticu que va tener l’artista, que «tanto tiempu había estáu abandonáu». «Naide más qu’él se lo merez. Con esti discu fixo hestoria na música española».

/

José Celestino Casal Álvarez, más conocíu como Tinu Casal (Tudela Veguín, Asturies, 11 de febreru de 1950 – Madrid, 22 de setiembre de 1991),1​ foi un cantante y compositor español de música pop inscritu nes corrientes techno y new romantic de los años ochenta. ​ Desenvolvió tamién otres facetes, como productor d’otros cantantes, pintor y escultor. Ye una figura clave de la denominada Movida madrilana, na que destacó poles sos audacias musicales, ​ barroquismu visual  y estética​ Glam rock.​ Finó nun accidente de coche nes cercaníes de Madrid a los 41 años.

Autor:

Maestra de Llingua Asturiana Colexu Carmen Ruiz-Tilve - Uviéu