- Fonte: As/ 39×28 altimetrías /
La Vuelta a España de 2023 va cuntar con dos etapes que se van desenvolver íntegramente n’Asturies y van apostase los díes 13 y 14 de setiembre. Van Ser, una vegada más, etapes montascoses, con final n’alto, como asina asocedió en 25 de les 27 últimes etapes (dende 2009, la última edición en qu’Asturies nun tuvo presente na carrera), o 27 de les postreres 29 si incluyimos les d’esta Vuelta 2022. El pasu per Asturies nesti 2023 escribise con dos etapes, ocho pasos montascosos, dos llegaes n’alto, pocu más de 300 kilómetros y va atropar un desnivel de 8100 metros.
ETAPA 17, RIBESELLA-ALTO DE L’ANGLIRU (13-SEP-2023)
El 13 de setiembre apostaráse la etapa 17 de la Vuelta a España de 2023 la cual va xunir Ribesella col Altu de L’Angliru, el gran visu asturianu, la más tarrecida de la carrera. Antes van pasase los puertos de Colladiella y Cordal al traviés de 122,6 kilómetros, habiendo de superar un desnivel de 3300 metros.
ETAPA 18, LA PUELA AYANDE-ALTO DE LA CRUZ DE LLINARES (14-SEP-2023)
El 14 de setiembre apostaráse la etapa 18 de la Vuelta a España de 2023 la cual va xunir La Puela Ayande col Altu de la Cruz de Llinares, puertu inéditu na ronda española y que se va pasar en dos causes, la segunda, meta de la etapa. Antes van travesase los puertos (puntuables) de Les Estaques (2ª), San Llorienzo (1ª) y Tenebreo (3ª) al traviés de 178,9 kilómetros, habiendo de superar un desnivel de 4800 metros. Va Ser la postrera llegada n’alto de la Vuelta 2023 y va ser, tamién, la xornada con más desnivel acumuláu de tola ronda.
