Viénense coses interesantes. Ente Agostu y Setiembre van tener llugar los actos previstos pa les Xornaes Europees de Patrimoniu n’Asturies. El protagonista de les mesmes va ser el castru de Cabo Blanco, nel occidente asturianu.
Paezme bien bona idea poner el focu d’atención nesti asentamientu, unu de los más espectaculares d’Asturies pol so gran foso, yá que se trata d’un castru que tien bien de posibilidaes de ser musealizado, y que tien de ser protexíu yá que parte de les sos estructures tán cayéndose pol cantil por cuenta de la erosión marina. Los actos inclúin conferencies, meses redondes y visites empuestes. Déxovos el programa y links pa conocer meyor esti sitiu tan espectacular. A éstes toes son gratuites. Encamiéntovos que participéis.
El Principáu d’Asturies va amosar los afayos del castru de Cabo Blanco, n’El Franco, nes Xornaes Europees de Patrimoniu que van tener llugar n’agostu y setiembre. El programa va incluyir conferencies, salíes de campu y actividaes nel Muséu Arqueolóxicu n’Uviéu, y nel auditoriu d’As Quintes, n’A Caridá, gratuites. La iniciativa busca averar el patrimoniu cultural a la ciudadanía, desvelando investigaciones sobro la cerámica topada nel xacimientu y les peculiaridaes del saléu nel Cantábricu antiguu. Les Xornaes, consolidaes como unu de los eventos culturales más relevantes dende 1985, ufierten la oportunidá d’esquizar monumentos y sitios históricos zarraos enantes al públicu.
