L’Axenda Urbano y Rural d’Asturies, AURA, naz coles mires d’alliniar les polítiques públiques, y empobinales escontra la sostenibilidá, entendida nes sos trés aguaes: ambiental, social, y económica, del conxuntu del territoriu. A última hora, aunir los nuesos dos principales activos: territoriu y persones, para ameyorar la calidá de vida y el bienestar.
¿Por qué? Porque parafrasiando a Fernando Pessoa:
“Nun hai territorios ensin futuru, sinón territorios ensin proyectu”
Tres los alcuerdos mundiales, europeos y estatales, ye una obligación, y responsabilidá, de tolos niveles de l’alministración pública, trabayar por ameyorar la calidá de vida de les persones, garantizando un territoriu sanu para futures xeneraciones.
¿Para qué? Son trés los oxetivos que dende’l gobiernu del Principáu d’Asturies escorremos cola so redacción, implementación y siguimientu:
1) Empobinar les polítiques públiques escontra un horizonte común
2) Reforzar l’acción coordinada, tresversal y participada
3) Poner en valor l’activu territorial
Trátase de dexar que toles actuaciones y polítiques en favor d’una visión compartida para la crecedera d’Asturies, capilaricen y sían efectives na mediana y pequena escala.
¿Cómo? Creando una gobernanza del territoriu na que toos nos sintamos representaos. Ocho contornes funcionales, más una novena funcionalidad metropolitana, 8+1, son el soporte territorial de trabayu.
Nun partimos de cero, sinón que se siguen los procesos implementaos con anterioridá nel Principáu d’Asturies, a favor d’una crecedera sostenible, intelixente, innovador, y cohesionado. Esto, xuníu a nueves miraes, y so la metodoloxía apurrida pol Ministeriu de Tresportes, Movilidá y Axenda Urbana, MITMA.
