Asturies foi y ye cuna de maestros pasteleros. Munchos d’ellos crearon postres qu’acabaron pasando al imaxinariu colectivu y que yá formen parte de la nuesa gastronomía. En cada rincón, en cada pueblu o conceyu, esiste un dulce típicu y un bon númberu de confiteríes.
Si tuviéramos qu’escoyer trés postres para conformar un pódium y que representaren a la rexón esos seríen l’arroz con lleche, que nun falta en nengún restorán como colofón final a una bona comida, los frixuelos», esos crêpes duces que d’antiguo s’espolvoriscaben d’azucre pero qu’anguaño se rellenen de crema d’ablanes, de nata, de mermelada y de lo que faiga falta, y les casadielles, masa frito rellena de nuez esmagayada, miel o azucre y un remexu d’anís, pudiendo añedir un pocu de lleche o mantequilla…
