La estación estrena esti llunes a les 22.24 hores. Anguaño tán previstos dos clises, unu de sol y otru de lluna, que nun s’apreciarán dende Europa. El próximu domingu la hora va adelantrase y va empezar a anochar más tarde.
Dos clises, unu de Sol y otru de Lluna, van destacar nel cielu d’esta primavera, que va empezar esti llunes a les 22:24 hora oficial peninsular y va allargase 92 díes y 18 hores, para terminar el 21 de xunu col empiezu del branu. Mientres la estación, l’eclís solar va tener llugar el 20 d’abril y va vese nel sudeste asiáticu y Oceanía, ente que el de Lluna, de tipu penumbral, va asoceder el 5 de mayu y va poder reparase dende África, Asia y Oceanía, según cálculos del Observatoriu Astronómicu Nacional (OAN).
Una característica de la primavera ye’l llargor del día, que allargase rápido, y asina, acaldía va amanecer un minutu primero que’l día anterior, y pela tarde va anochar más d’un minutu dempués; Por tanto, dende l’empiezu de la estación, el tiempu en que’l Sol ta percima del horizonte aumenta casi trés minutos acaldía.
L’entamu de les estaciones vien dáu polos intres nos que la Tierra atopa en determinaes posiciones na so órbita alredor del Sol; nel casu del entamu de la primavera nel hemisferiu norte esta posición ye aquella en que la’l Sol, vistu dende la Tierra, crucia l’ecuador nel so movimientu escontra’l norte.
El día en qu’esto asocede la duración del día y la nueche prácticamente coinciden, denomináu a esta circunstancia equinocciu de primavera.
CAMBÉU D’HORA
El domingu 26 de marzu. Respectu al cambéu d’hora nesta estación, y anque tantu’l Parlamentu Européu como la Comisión Europea pronunciáronse a favor d’esaniciar los cambeos d’hora nel futuru, inda nun esiste una decisión definitiva al respeutu.
Por ello, mientres anguaño va siguir a valir el tradicional cambéu que tien llugar l’últimu domingu de marzu: el 26 de marzu, a les 2:00 de la madrugada hora peninsular, adelántrense los relóes una hora para marcar les 3:00 hores; Nes Isles Canaries, a la 1:00 hora de la madrugada van pasar a ser les 2:00 hores.
