Güei volveremos a esfrutar del sol na metá norte d’Asturies y volverán a desendolcase les nubes sobre la cordelera con xarabatos de calter tormentosu sobre esta fastera, siendo mui poco probables nel restu con unes temperatures que camudarán poco y col aire que sedrá sele con predominiu de la componente este. Na primera llinea de la costa volverán a tener nublines y borrinos durante’l día.
El llunes van a incrementase les tronaes y sedrán más estenses ya intenses, asina hasta’l xueves y paez qu’apartir del vienres dirá estabilizándose l’atmósfera quedando les tronaes mui llocalizaes a puntos de la cordelera con un ascensu moderáu de les temperatures pero esto yá lu diremos viendo.
El xueves ye cuando más cerquina va tar la borrasca atlántica empobinándonos dalgo d’aire fríu n’altor y calor en superficie, faciendo que se desendolquen les nubes con facilidá y mos dexen xarabatos tormentosos per toa Asturies.
