Publicado en Día de...

Día Mundial de la Seguridá y la Salú nel Trabayu

/
Güei, 28 d’abril, ye’l Día Mundial de la Seguridá y la Salú nel Trabayu, proclamáu pola Organización Internacional del Trabayu (OIT). Celébrase esti día, en tol mundu, col envís de promover la prevención d’enfermedaes y accidentes de trabayu. Tien como prioridá atender les necesidaes llaborales y profesional de toles persones, que sufrieron accidentes o enfermedaes llaborales. Asina mesmu, quier buscase la forma de prevenir accidentes y otros riesgos profesionales.

/

La celebración consiste n’una campaña añal internacional para promover el trabayu seguru, saludable y dignu. Amás ríndese homenaxe a les víctimes de los accidentes de trabayu y les enfermedaes profesionales. Para l’añu 2021, la campaña céntrarse n’antemanase a les crisis, preparase y responder, invirtiendo en Sistemes resilientes de Seguridá y Salú nel Trabayu.

L’oxetivu del Día Mundial de la Seguridá y la Salú nel Trabayu ye la prevención de los accidentes llaborales y de les enfermedaes profesionales. Trátase d’amosar al mundu la magnitú del problema y faer ver qu’una cultura de la seguridá y salú nel trabayu puede ayudar a amenorgar considerablemente’l númberu de muertes y mancadures nel trabayu.

La idea primordial, ye crear una conciencia social para menguar los riesgos y daños que puedan sufrir los emplegaos y profesionales nel campu llaboral en tol mundu. Esta fecha tamién ye aparente para rindir tributu a toles víctimes d’accidentes llaborales, según a aquelles persones que sufren enfermedaes ocupacionales, de resultes del desempeñu de les sos funciones.

Para la OIT, ye primordial qu’esista una cultura de conciencia y responsabilidá de los empresarios, para asegurar a los sos trabayadores un empléu digno y llibre de riesgos qu’atenten contra la so integridá y calidá de vida.

 

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *