Publicado en Premios Princesa d´A.

Pueblu Exemplar d’Asturies 2021: Santa María del Puertu

Los vecinos del núcleu somedanu, alcontráu na llende con Llión a 1.486 metros d’altitú, celebren el galardón que reconoz tantu’l día ente día de los vecinos como la hestoria del pueblu.

Santa María del Puertu (Somiedu) supo adaptase a los nuevos tiempos.

La localidá de Santa María del Puertu (Somiedu) foi escoyida Premiu al Pueblu Exemplar d’Asturies 2021, «porque encarna’l modelu de pueblu de monte que supo afaese a los nuevos tiempos, inclusive abandonando unu de les traces identitarios de la cultura de los vaqueiros d’alzada, como ye l’alzada», señaló’l xuráu.

«Esto favoreció la creación y caltenimientu de paisaxe, una actividá ganadera importante y la permanencia de pareyes nueves, asegurando d’esa manera’l relevu xeneracional d’esta comunidá», esplica l’acta.

El pueblu ta asitiáu na llende con Llión, a 1.486 metros d’altitú, lo que fai que les condiciones de vida de los sos habitantes sían bien dures, sobremanera pel hibiernu».

Ye’l modelu de pueblu de monte que supo «adaptase a los nuevos tiempos»

El pueblu d’El Puertu, en Somiedu, foi premiáu güei col Premiu al Pueblu Exemplar d’Asturies 2021 por ser el modelu de pueblu de monte que supo adaptase a los nuevos tiempos, inclusive abandonando unu de los nicios identitarios de la cultura de los vaqueiros, como ye «l’alzada».

«Esto favoreció la creación y caltenimientu de paisaxe, una actividá ganadera importante y la permanencia de pareyes nueves, asegurando asina’l relevu xeneracional d’esta comunidá» , según reflexa l’acta del xuráu, fecha pública nel Hotel de la Reconquista d’Uviéu.

El Puertu ye un pueblín con mediu centenar de cases y menos de cien vecinos que ta asitiáu a cuasi 1.500 metros d’altitú nel suroccidente asturianu, na llende con Lleón, y que ta arrodiáu de montes qu’alluguen una de les mayores reserves d’osos pardos de tol país.

Esti galardón, concedíu pola Fundación Princesa y al qu’anguaño optaben 27 candidatures, lleva acomuñada la visita de los reis d’España un día dempués de la ceremonia d’entrega de los Premios Princesa d’Asturies nel Teatru Campoamor d’Uviéu.

El premiu, qu’anguaño cumple la so edición trenta y dos, ta destináu al pueblu, aldega, núcleu de población, espaciu paisaxísticu o grupu humanu que destacara de manera cimera na defensa y caltenimientu de la so redolada natural, ambiental, del so patrimoniu históricu, cultural o artísticu, n’iniciatives d’impulsu económicu y social o na realización d’obres comunales o otres manifestaciones de solidaridá sobresalientes.

La hestoria d’El Puertu como pueblu remontase al sieglu XIV, amestada a los vaqueiros d’alzada y al desenvolvimientu de la ganadería. Nesa dómina los vaqueiros empezaron a practicar l’alzada para criar ganáu ente les camperes d’El Puertu, que na so mayoría yeren propiedá de los monesterios, y les camperes baxes, en Belmonte y Salas, principalmente.

Tres el pasu de les praderíes a la nobleza y les grandes families nel sieglu XV, los vaqueiros d’El Puertu empecipiaron xuna llucha pa faese cola so propiedá, conocida como Revolución de les Corralaes, pol zarramientu de parceles que llevaron a cabu, visible entá na actualidá, y que dexó’l so afitamientu como pueblu. Utilizaron les camperes alloñaes como espacios comunales pal ganáu rexíos por una xunta vecinal y les corralaes pa recoyer yerba y realizar plantíos. A principios del sieglu XX los vecinos pudieron mercar les camperes, que nun van poder vendese a persones de fora del pueblu.

Actividaes tradicionales de los vaqueiros como l’arriería y la traxinería tuvieron gran importancia ente los habitantes d’El Puertu hasta dempués de la Guerra Civil, magar la ganadería ye anguaño’l principal mediu de vida de los vecinos.

La cabana ta formada per unes seiscientes cabeces de ganáu de venti ganaderíes especializaes, la mayor parte, na producción de carne de la raza asturiana de los valles. Más d’una decena d’estos ganaderos son menores de cuarenta años, lo que garantiza’l futuru. Ente los vecinos conviven aquellos que siguen practicando l’alzada y los que permanecen nel pueblu mientres tol iviernu, xunas quince families.

La declaración de Somiedu como Parque Natural en 1988 supunxo un impulsu de les actividaes rellacionaes col turismu. El Puertu convertiose en puntu de partida de delles rutes oficiales del Parque y en 1995 inauguró’l so primer hotel. Nos últimos años, El Puertu esperimentó un notable desenvolvimientu col arreglu siguíu del pueblu, la rehabilitación de cases y la realización de sextaferies pal caltenimientu de caminos, murios y demás elementos d’usu común, como les praderíes y los montes.

En 2009 rehabilitóse l’antigua escuela pa crear el Centru Vecinal, un espaciu pa xuntes y actividaes. Nel so esterior creóse un área recreativa con un parque infantil.

El Puertu acueye delles feries y fiestes de gran tradición ente los vaqueiros, como la de San Pedro (29 de xunu) y la de La nuesa Señora (8 de setiembre). Nesta postrera, que yá se celebraba nel sieglu XVIII, rexuntáronse xunas venticinco mil persones y trés mil cabeces de ganáu en 2019. Coincidiendo col final de la estancia de los vaqueiros nel pueblu y l’empiezu de l’alzada a los pueblos baxos, El Puertu acueye dende 2005 el Alcuentro Vaqueiru, nel que s’intenta afondar nes sos costumes.

Tamién se creó l’Asociación de Vaqueiros del Puertu de Somiedu pa siguir procurando la meyora de les condiciones de vida de los sos vecinos.

El Premiu al Pueblu Exemplar d’Asturies constituyóse a lo llargo de les sos ediciones n’una de les actividaes de la Fundación de más amplia y meyor acoyida dientro del Principáu, al tar destináu a galardonar «al pueblu, aldega, núcleu de población, espaciu paisaxísticu o grupu humanu del Principáu d’Asturies que destacara de manera notable na defensa y caltenimientu de la so redolada natural, ambiental, del so patrimoniu históricu, cultural o artísticu, n’iniciatives d’impulsu económicu y social o na realización d’obres comunales o otres manifestaciones de #solidaridad sobresalientes».

Azucena Lorences, la impulsora del premiu al Pueblu exemplar” 2021

Esti galardón ye apurríu cada añu por Les sos Maxestaes los Reis, mientres la xornada posterior a la ceremonia d’entrega de los Premios Princesa d’Asturies, que se celebren n’Uviéu na segunda quincena d’ochobre. N’ediciones anteriores, los Reis tuvieron acompañaos por Les sos Alteces Reales la Princesa d’Asturies y l’Infanta Doña Sofía.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *