Hai hestories bien locales que dexen un legáu de valor incalculable. Fai 40 años un paisanu se fixu n’una oveya que yera distinta al restu. Cola ayuda de dellos amigos foi buscando hasta calcular unos 100 exemplares espardíos por tou Asturies. Eso significaba que taba en cantu de la desapaición. Güei, el trabayu d’esos paisanos son los más de 7.000 animales que se reproducen por tola rexón.
La ciencia dio-yos la razón y puede dicise que L’Asociación de Criadores de la Oveya Xalda salvó una raza autóctona en peligru d’estinción. Mañana estrenamos en Candás esti documental que llueu vais poder ver en RTPA.📺 Gracies ACOXA por confiar en nós pa cuntar los vuesos 40 años d’esfuerzos.
