Publicado en Curiosidaes

Cientos de percebes xigantes varen na sablera de Xagó

Un afayu que sosprendió a los bañistes, cuidao que, a pesar de ser una especie común n’Asturies, nun ye tan habitual ver tanta cantidá xunta.  Delles percebes xigantes llegaron esta tarde a la sablera de Xagó nun tueru. Son cientos de percebes que taben vives, lo que motivó l’interés de los usuarios de la sablera. Ye una especie común nel Cantábricu pero ye raro que lleguen asina en bloque al sable. Eso sí, nun son comestibles.

Similares a les percebes, pero muncho más grandes, y con unes pezuñes del tamañu d’un moxón, asina son los cientos d´anatifas qu’apaecieron ayeri varaos nun tueru na sablera de Xagó, en Gozón. Un afayu que sosprendió a los bañistes, cuidao que, a pesar de ser una especie común n’Asturies, nun ye tan habitual ver tanta cantidá xunta.

Amás, como’l tueru foi abasnáu pel mar hasta la vera, llamó entá más l’atención cuidao que se desconoz d’ónde procede, según informa TPA. Un sucesu insólitu que fixo que munchos individuos averasen a esti tipu de crustáceu, tamién conocíu como «pie de cabra», solamente pa fotografialo, yá que nun ye comestible.

Trátase en realidá d’una colonia d´anatifas o pies de cabra (Lepas anatifera), una especie de crustáceu cirrípedu y, por tanto, “familia” de les percebes, pero carente de les sos virtúes gastronómiques. Les anatifes, como les percebes, presenten el cuerpu protexíu esternamente por un conxuntu de plaques caliares (la uña), pero lleguen a multiplicar por trés el tamañu d’aquellos. Les percebes que se recoyer en Peñes para consumu humanu (Pollicipes pollicipes) pueden llegar a midir, nel más escepcional de los casos, 25 centímetros de llargor; los procedentes d’agües americanes (Pollicipes polymerus), comercializaos como “perceba canadiense”, son otra especie distinta a l’asturiana y lleguen a midir 30 centímetros; nel casu de l´anatifas, documentaronse exemplares d’hasta 80 centímetros.

 

A diferencia de les percebes, qu’habiten preferentemente en roques, les anatifes prefieren como hábitats estructures artificiales como pantalanes, cascos de barcos y, cuantimás, maderes y otros oxetos flotantes como los bidones o los envases de plásticu. Al xuntase a oxetos flotantes, les anatifes viaxen pel mar a mercé del aguaxe y les corrientes y eventualmente, como asocedió na sablera de Xagó, pueden acabar en tierra firme. Por eso constitúin una rareza para los profanos de la mar, pero los pescadores y marinos tán familiarizaos cola especie pos la suelen ver cuando saleen.

El doctor en Bioloxía y miembru del equipu d’investigadores del Institutu Oceanográficu de Xixón Francisco Javier Cristobo esplicó que la especie qu’aportó a la sablera de Xagó ye mesma del Cantábricu, “polo que nun tien de ser tenida por invasora nin por comenenciosu”. L’espertu detalló que les anatifes son llamaes en dellos llugares “percebes de la madera” pol so habitual afayu en tueros al debalu. Nel casu de los topaos en Xagó, de la madera pasaron al contenedor de la basura, que foi a onde refundiaron la brigada de llimpieza playera cuando ayeri pela mañana fixo’l so trabayu.


La anatifa o pie de cabra (Lepas anatifera) es una especie de crustáceo cirrípedo de la familia Lepadidae.1​ Presenta el cuerpo protegido externamente por un conjunto de placas calcáreas.

Los cirrípedos son crustáceos sésiles. Muchas veces colonizan, adhiriéndose a objetos flotantes y por lo tanto son organismos neustónicos en esta fase de adherencia.

Autor:

Maestra de Llingua Asturiana Colexu Carmen Ruiz-Tilve - Uviéu

Deja una respuesta

Tu dirección de correo electrónico no será publicada. Los campos obligatorios están marcados con *