- Fonte: Paris PARIS 360 and Beyond
- Fonte: www.giverny.es / semeyes
EL XARDÍN ACUÁTICU NA CASA
DE CLAUDE MONET EN GIVERNY (FRANCIA)
En 1893, diez años dempués de la so llegada a Giverny, Monet merca’l terrén vecín a la so propiedá del otru llau del ferrocarril. Un pequenu regueru traviesa, el Ru, una esviación del Epte. A pesar de la oposición de los llabradores colindantes que tarrecen qu’envelene l’agua al llantar vexetales raros, pero col sofitu de la Prefecture, Monet fai escavar un pequenu estanque.
N’una carta al prefeutu del Eure, declara :”Trátase namá de daqué para’l recréu y el prestar de los güeyos, y tamién para tener modelos para pintar; non cultivu más que plantes como nenúfares, xuncos, llirios de distintes variedaes que crecen bonalmente a lo llargo de los nuesos ríos, y nunca van poder envelenar les agües”
De siguío l’estanque va ser engrandáu hasta llegar al tamañu actual. El xardín d’agua lleno de curves, inspirase nos xardinos xaponeses que Monet conoz poles estampes de les que ye un fervorosu coleicionista.
Nunca hasta agora un pintor diera forma hasta esti puntu al so modelu de naturaleza antes de pintalo, creando dos vegaes la so obra. Monet atopa nello la so inspiración mientres más de venti años.
A la muerte de Claude Monet en 1926, la casa y el xardín pasen al so fíu Michel. El nun vive ellí y ye la fiyasca y nuera de Monet, Blanche Hoschedé, quién s’encarga de la propiedá.
Desgraciadamente dempués de la segunda guerra mundial el xardín y la casa fueron desdexaos. En 1977 Gerald van der Kemp ye nomáu conservador de Giverny. André Devillers, que tuviera la suerte d’acompañar a Georges Truffaut, eminente xardineru frecuentemente convidáu a la mesa de Monet, ayúdalu a reconstruyir el xardín tal que taba na dómina del Maestru. La propiedá tópase abierta al públicu dende 1980.
.
